നാവ്-മണി-നാരായം സമർപ്പണം

നാവും, മണിയും, നാരായവും അടങ്ങിയ തട്ട് എടുത്തു നടയ്ക്കൽ വെക്കുന്ന ചടങ്ങ്. നാവ് നന്നായി സംസാരിക്കാനുള്ള കഴിവും, മണി ശ്രവണ-ശ്രദ്ധ കഴിവുകളും, നാരായം എഴുതാൻ ഉള്ള കഴിവും പരിപോഷിപ്പിക്കും. മണി കിലുക്കി തട്ടോട് കൂടി നടയ്ക്കൽ സമർപ്പിക്കുന്ന ഈ ചടങ്ങ് വിദ്യാരംഭത്തിന് ഒപ്പം ചെയ്യുന്ന ഒന്ന് കൂടിയാണ്. രാവിലെയും വൈകീട്ടും വഴിപാടു കഴിക്കാം. കുട്ടികളും, മുതിർന്നവരും എല്ലാം ചെയ്യുന്ന വഴിപാട് കൂടിയാണ്. 100 രൂപയ്ക്ക് ക്ഷേത്രത്തിൽ നിന്ന് തന്നെ ഈ തട്ട് ലഭിക്കും.