ധർമ്മ ശാസ്‌താവിന്റെയും ഭദ്രകാളിയുടെയും പ്രതിഷ്‌ഠ ഉള്ളത് സരസ്വതി ക്ഷേത്രത്തിനോട് ചേർന്നുള്ള ഉപക്ഷേത്രമായ രാമഞ്ചിറ ക്ഷേത്രത്തിലാണ്. നൂറ്റാണ്ടുകൾക്ക് മുൻപ് നിലവിൽ എയർപ്പോർട്ട് സ്ഥിതി ചെയ്യുന്ന സ്ഥലത്ത് രാമഞ്ചിറ എന്ന പേരിൽ ഒരു ചിറയും അതിനോട് ചേർന്ന് ഒരു ക്ഷേത്രവും ഉണ്ടായിരുന്നു. ഏതോ നൂറ്റാണ്ടിൽ ക്ഷേത്രം നശിക്കുകയും കുളം മൂടി പോകുകയും ഉണ്ടായി. പിന്നെയും നൂറ്റാണ്ടുകൾക്ക് ശേഷമാണ് രാമഞ്ചിറ കുളത്തിന്റെ അവശിഷ്ടങ്ങളും അതിനൊപ്പം ഭദ്രകാളിയുടെയും ധർമ്മ ശാസ്താവിന്റെയും രൂപങ്ങൾ ലഭിക്കുകയും ചെയ്‌തു. തുടർന്ന് രാമഞ്ചിറ ക്ഷേത്രം പണിത് ക്ഷേത്രത്തിൽ പ്രതിഷ്ഠിക്കുകയാണ് ചെയ്‌തത്‌. ഈ ക്ഷേത്രം രാമഞ്ചിറ ക്ഷേത്രം എന്ന പേരിൽ അറിയപ്പെടുന്നു.